蒋家旻急做手术老公陪瞓病房 自豪冇拣错人
艺人蒋家旻（Angel）由《爱．回家》的「马子妮」到《美丽战场》的「反骨琪」，观众见证着她一步步的成长，而今年9月Angel多了另一个身份，偕电视台高层周永基踏入婚姻殿堂。Angel跟丈夫相识逾十年始拍拖，讲到缘由，她解释说：「识咗几年，佢对我有意思，但佢要去台湾工作，佢觉得如果表白咗要分隔异地，不如唔好开始，大家维持朋友关係，后来佢嘅工作稳定咗，可以抽多啲时间喺香港，于是同我表白，我对佢都有好感，但未去到要即刻一齐，我谂咗一个月有锺意感觉先开始，跟住大家慢慢相处去磨合，拍咗半年拖，佢就同我求婚。我觉得係Timing问题，如果佢太早表白未必行到依家。」她不讳言求婚前已认定对方为另一半，大讚老公：「佢好有责任感同安全感，同佢生活唔需要太担心，知道佢无论点样都可以照顾到你，佢会好畀心机做嘢，为两个人嘅将来会好努力，呢个好加分，因为结咗婚，要面对嘅嘢係好现实，生活上所有嘢都要用钱，知道佢一定会撑得起头家。」她忆述年初患盲肠炎入院做手术，对从未入过医院的她来说绝对是大事，心裏慌得很，当时仍是男友的他二话不说帮她处理所有事，且直接住在医院陪她：「嗰4日3夜佢都陪住我，医院加咗张床畀佢瞓，见住佢好频扑咁攞衫畀我换，又将部电脑带去医院做嘢，嗰刻佢已经求咗婚，我觉得自己真係冇拣错人，呢件事令我好感动，知道将来无论发生任何事佢都会陪住我。」蒋家旻一年之内增加两个身份，工作、家庭两兼顾。蒋家旻不讳言求婚前已认定老公为另一半。蒋家旻大讚老公好有责任感同安全感。蒋家旻感谢夫家支持她继续演戏。升呢做埋老闆娘除了成为人妻，她今年亦首尝当老闆滋味，她年初投资自家品牌拌麵，她表示：「我向来好锺意食麵，有日谂如果有自己个品牌都几好，我老公有做生意经验，佢教我应该点做，又介绍人脉同厂畀我，暂时推出咗两款口味，一款麻酱，一款麻辣，全部由台湾製做，係台湾直送。」她透露投资了6位数，暂时销量还可以，她坦言生意刚起步，没有想过赚大钱，只要不是赔太多便可。既要兼顾家庭与新生意，她强调不会放弃幕前工作，实行三线发展，她说：「我一开剧就照顾唔到屋企，老公同奶奶都明白，所有人都好体谅我，冇要我唔好做嘢，老公识我嘅时候已经知道我好锺意演戏。」相反不用拍剧的日子，她会专心做「煮」妇：「我会尽煮饭同煲汤，好在我唔抗拒，仲觉得几开心。」她自评在厨艺方面颇有天分，主要靠网上睇片自学，但出来成品意外地好吃，连丈夫也夸讚她好手势。蒋家旻与老公患难见真情。蒋家旻实行三线发展。蒋家旻表示不用拍剧的日子，会专心做「煮」妇。场地:Harbour Grand Kowloon髮型:Jay Cheung@hola il colpo hair & pets其他人也在看
免责声明：本文章由会员“极目新闻”发布如果文章侵权，请联系我们处理，本站仅提供信息存储空间服务如因作品内容、版权和其他问题请于本站联系