香港4大fusion泰菜推介 人龙小店醉炒河、异国风咖喱软壳蟹麵包盎
香港食泰国菜选择好多，不过近年就愈来愈兴新派泰菜，好味得嚟又令人惊喜，一齐睇吓边间啱心水！超人气长龙店 泰排档图：esfoodse日日都大排长龙嘅小店，大厨係米芝莲泰菜Samsen出身，难怪唔少人对佢有期待啦～以平实又地道嘅泰国街头风味着称，连价钱都好经济实惠呀。必试嘅招牌菜式包括虎虾醉猫炒河同和牛船麵，前者结合咗泰式香料同香港熟悉嘅河粉，特别一提河粉真係烟韧得嚟又够滑，好出色！炒河粉吸收咗浓郁嘅酱汁同香料，香辣开胃，仲带有独特酒香，令味道更加立体，虎虾都好爽弹。和牛船麵将高质嘅和牛融入传统泰国船麵嘅汤底，汤底以牛骨、香料同草药熬製而成，浓郁芳香，和牛入口即化，带出满满嘅牛肉鲜香。另外仲有泰式蚝饼同飞天通菜都值得试㗎。高质泰西fusion菜 Foodhall by Moon Thai图：KATHY WONG高质嘅泰西fusion菜，装修结合咗泰国地道风味同时尚风格，带嚟轻鬆又富异国情调嘅用餐体验。招牌菜式包括和牛船麵，汤底以浓郁嘅香料熬煮，入口辛辣香浓，完美配搭入口即化嘅和牛，牛肉鲜嫩且充满肉香；蟹肉炒饭则加入大量鲜甜蟹肉，炒得粒粒分明，香气四溢，令人一试难忘。沙嗲羊肉串烧亦係人气之选，羊肉经过泰式沙嗲酱腌製后烤製，肉质软嫩多汁，沙嗲味浓郁且带有微微辛辣。饮品就推介泰式髒髒奶茶，茶味浓得嚟带点甜，而且仲好香滑
免责声明：本文章由会员“极目新闻”发布如果文章侵权，请联系我们处理，本站仅提供信息存储空间服务如因作品内容、版权和其他问题请于本站联系