异空感应︳丁乐锶演神经质女子被封赵希洛2.0 现实中仲係兼职礼仪师
陈家乐同陈晓华主演嘅《异空感应》，早两晚嘅段落剧情，讲述阮浩棕同丁乐锶（Janice）一段病态关係，饰演「变态爱情脑」嘅Janice演绎出角色嘅癫丧，网民更封佢为「赵希洛2.0」。丁乐锶丁乐锶原来入行一段时间，2009年艺训班毕业后即获安排喺《美女厨房》中担任「美味天使」肠粉，入行多年嘅佢拍《异空感应》前都知道戏份唔易应付，于是搵之前所参加戏剧班嘅老师张达明帮手教佢入戏。丁乐锶唔少TVB演员都打多份工保障生计，丁乐锶演戏以外仲係一个兼职礼仪师。Janice话因为阿姨关係所以有兼顾礼仪师工作，主要处理基督教同无宗教嘅丧礼仪式。「太传统嘅仪式我未必好帮到，我多数都係执头执尾，可能係帮手叠番靓啲花，例如帮手剪靓同叠靓啲花、然后畀宾客放喺棺木上，又或者睇吓家属需唔需要帮手处理帛金，又或者喺佢哋心情好差时，有咩帮到手都尽量去帮手。」丁乐锶认为礼仪师呢个行业，对佢而言最大嘅难处，可能係有时见到逝者嘅亲友好伤心咁喺度喊，就算自己受到感染都要尽量忍住唔好喊。呢期《破．地狱》破晒票房纪录，TVB可以考虑开返套，预埋丁乐锶一份喎。按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
免责声明：本文章由会员“极目新闻”发布如果文章侵权，请联系我们处理，本站仅提供信息存储空间服务如因作品内容、版权和其他问题请于本站联系